Edinson Cavani nuk do t’i prijë sulmit të skuadrës së Valencias në edicionin e ri. “Marca” ka raportuar të martën se Cavani do të largohet nga skuadra spanjolle këtë verë për të vazhduar karrierën në Amerikën e Jugut.
36-vjeçari pritet të transferohet te Boca Juniors si lojtar i lirë, pasi tashmë ka shkëputur kontratën që i skadonte vitin tjetër me Valencian. Cavani u transferua te Valencia verën e shkuar si lojtar i lirë dhe realizoi 7 gola në të gjitha garat.
Ai ka vendosur të rikthehet në Amerikën e Jugut pas më shumë se një dekade, duke pasur parasysh se prej vitit 2007 ka bërë karrierë në Evropë.
Para Valencias, Cavani ka luajtur edhe për Manchester Unitedin, PSG-në, Napolin e Palermon.
