Çaslav Joliq është shpall fajtorë dhe është dënuar më pesë vjet burgim për krime lufte ndaj popullsisë civile në Kosovë.
Vendimi është marrë të premten, raporton teve1.info
Më 5 qershor të vitit 2024 ishte dhënë fjala përfundimtare në rastin e serbit të akuzuar për krime ër krime lufte ndaj popullsisë civile në rajonin e Istogut gjatë viteve 1998-99.
Prokuroria kishte kërkuar dënimin e Jolliq, ndërkaq mbrojtja lirimin e tij.
Prokuroria Speciale e Kosovës më 18 nëntor 2022 ka ngritur aktakuzë ndaj të pandehurit Çaslav Joliq me arsyetimin se prej muajit janar 1998 deri më 21 qershor 1999, në Komunën e Istogut, në bashkëkryerje me persona të tjerë, ka torturuar, rrahur dhe ka cenuar integritetin e popullatës civile.
Dëshmitari Nexhmedin Curraj kishte deklaruar që Joliq bashkë me Rad Pitoliq dhe një serb tjetër me emrin Llaza, e kishin rrahur më 15 mars 1998.
Sipas tij, Joliq dhe Llaza i kishin kërkuar që t’i dërgonte deri tek një person i quajtur “Mala”, pasi që punonte si taksist dhe kur janë ndaluar tek një dyqan Pitoliq u ishte drejtuar Joliqit dhe Llazës, duke i nxitur që ta rrahin dëshmitarin.
“Kur jam kthy te shitorja dhe u ardhë një polic dhe iu ka thënë që ‘qysh po shëtiteni me këtë iredentist?’, i ka nxitur, sepse besoj se ata nuk do të më kishin rrahur, sepse i kam njohur të dy, edhe pse me të akuzuarin nuk kam pasur shumë kontakte”, ishte shprehur Curraj.
