Gjykata e Arbitrazhit Sportiv (CAS), të hënën ka bërë të ditur se mesfushorit francez, Paul Pogba i është reduktuar suspendimi për doping.
Pogba ishte suspenduar për 4 vjet, por ishte ankuar në CAS, i cili ka reduktuar suspendimin e tij në 18-të muaj.
31-vjeçari në gusht të vitit të shkuar kishte dështuar në testet e dopingut dhe prej muajit shtator nuk është stërvitur me ekipin e Juventusit.
Bazuar në vendimin e CAS-it, Pogba do të rikthehet për të luajtur në muajin mars të vitit 2025 kurse me stërvitje do të filloj në muajin janar.
Megjithatë, përkundër reduktimit të suspendimit, mësohet se Pogba do ta shkëpusë kontratën me Juventusin, të cilën e ka valide deri në verën e vitit 2026.
Francezi u rikthye te Juventusi në verën e vitit 2022 pas largimit nga Manchester Unitedi si lojtar i lirë dhe në total gjatë dy sezoneve të fundit, regjistroi vetëm 12 paraqitje në të gjitha garat.
