Michael Carrick është zyrtarizuar si trajner i përkohshëm i Manchester Unitedit.
Ai do ta drejtojë klubin deri në fund të edicionit aktual, ka njoftuar klubi i madh anglez të martën mbrëma.
“Manchester United ka kënaqësinë të njoftojë emërimin e Michael Carrick si trajner kryesor i ekipit të parë të meshkujve deri në fund të sezonit 2025/26”, shkruan në njoftim.
Carrick ishte ndihmës i Jose Mourinhos dhe Ole Gunnar Solskjaerit.
Pas largimit të Solskjaerit, Carrick e udhëhoqi Unitedin si trajner i përkohshëm.
Ish-lojtari i Anglisë ishte trajner i parë te Middlesbroughti për dy vjet e gjysmë nga tetori i vitit 2022.
