Ish-diplomati, Blerim Canaj, nuk beson që për shkak të, siç i ka quajtur ai ‘tekave’ të disa politikanëve në Ballkan, Gjermania do të ndalojë Procesin e Berlinit, pasi sipas tij për Gjermaninë ky proces është një lloj krenarie.
Canaj në emisionin “Ditari” në Tëvë1, si një nga këta politikanë ‘tekanjoz” që po mundohet të ndikojë Gjermaninë, e ka cilësuar kryeministrin Kurti.
“Të gjithë e dimë që Procesi i Berlinit është një mekanizëm i cili është i krijuar nga Gjermania, si paradhomë për Bashkimin Evropian dhe më duhet ta them se është njëfarë krenarie për Gjermaninë që deri më tani në disa aspekte i ka ecur mirë kjo ide, që tani absolutisht nuk e besoj që Gjermania për shkak të disa ‘tekave’ të disa politikanëve diku në Ballkan, thjesht do të lejojë që të ndalohet një proces i tillë sikur që është Procesi i Berlinit i cili tani më i bëri 10 vite. Fatkeqësisht, tekat janë të kryeministrit të Kosovës, Albin Kurti”, ka thënë Canaj./teve1.info/
