Ish-diplomati i Kosovës në Gjermani, Blerim Canaj, thotë se sado të polarizuara të jenë idetë për Asociacionin, si nga Kosova ashtu edhe nga Serbia, një pikë e përbashkët për të do të gjendet.
“Gjithmonë sado të polarizuara të jenë idetë, nëse janë shumë të polarizuara, natyrisht që do të marrë më shumë kohë, por diku dikur do të duhej të vinte me një pikë, ose do të stërzgjatej. Këto janë dy opsione, pavarësisht se sa shumë janë të polarizuara nga njëra-tjetra. A do të mund të vinin në një gjuhë të përbashkët apo në një pikë, natyrisht që do të duhej të vinë. Nuk është fjala vetëm për Kurtin, për një Kurt të ardhshëm apo një tjetër pas këtij Kurti, dikur do të gjendet një pikë, sepse komplet fokusi është në të”, ka thënë Canaj në Ditari në Tëvë 1.
Duke folur për modelin kroat, ai ka thënë se të gjitha shtetet e kanë të ndryshme rrugën për te pavarësia, duke shtuar se është mirë që Kurti po shkon me një ide.
“Para fillimit të bisedimeve në Ohër, është përmend gjithmonë edhe nga Lajçak edhe nga Borrell. Ka qenë njëfarë termi “duke pasur parasysh edhe faktet historike”. Faktet historike gjithashtu luajnë një rol në këtë drejtim edhe secili shtet rrugën e pavarësisë së vet e ka tjetër, nuk është që kanë shkuar në të njëjtën rrugë te pavarësia. Si shembull natyrisht që do të mund të hudhej në tavolinë. Është mirë që shkon me një ide, se edhe Kurti e di që ajo është vetëm sa për të hapur debat dhe për të ardhur me një pikë. Por sa do të përshtatej pikërisht ajo, këtë nuk e di”, ka deklaruar Canaj.
