Basketbollisti amerikan, Desmond Cambridge, më nuk është pjesë e skuadrës së Trepçës nga Mitrovica.
Kampionia në fuqi, ka njoftuar të enjten se ka ndarë rrugët me Cambridgen, me të cilin ka ndërprerë bashkëpunimin me marrëveshje të dyanshme.
ADVERTISEMENT
Po ashtu, Trepça ka falënderuar amerikanin për kontributin, si dhe i ka dëshiruar suksese në vazhdimin e karrierës profesionale.
Cambridge ishte përforcimi i parë i huaj te Trepça para fillimit të këtij sezoni dhe me klubin nga Mitrovica e fitoi Superkupën e Kosovës.
Ai ka luajtur me një mesatare prej 10 pikëve, 4 kërcimeve dhe 2 asistime për ndeshje në Superligën e Kosovës, ndërsa ka regjistruar paraqitje dhe në kualifikimet e Ligës së Kampionëve dhe fazën e grupeve të FIBA Europe Cup.
