Mesfushori Hakan Calhanoglu do të jetë pjesë e skuadrës së Interit edhe për sezonin 2025/26.
Qëndrimin e tij te skuadra italiane, e ka konfirmuar edhe agjenti i Calhanoglut, i cili ka përjashtuar mundësinë e transferimit të mesfushorit në Turqi.
Galatasaray dhe Fenerbahçe ishin skuadrat që kërkonin shërbimet e tij këtë verë por 31-vjeçari mbetet tek Interi, ekip me të cilin ka kontratë deri në verën e vitit 2027.
“Calhanoglu nuk do ti bashkohet Fenerbahçes apo Galatasaryt. Ai do të qëndroj tek Interi dhe kurrë nuk ka kërkuar të largohet nga klubi. Nuk ka negociata me Fenerbahçen apo Galatasarayn, pasi Calhanoglu do të qëndrojë tek Interi”, ka thënë agjenti Gordon Stipiq.
