Te enjten është caktuar orari dhe është bërë delegimi i gjyqtarëve për ndeshjet e xhiros së 20-të në Superligën e Kosovës në futboll.
Xhiroja nis të shtunën me dy ndeshje, Suhareka – Dukagjini që nis në orën 13:00 dhe Prishtina – Drita që luhet nga ora 17:00.
Në Suharekë, gjyqtarë kryesor do të jetë Lirim Jashari me asistentët Besnik Morina e Fatlum Jashari kurse i katërti është Gramos Shala.
Derbin në Prishtinë do ta drejtoj Valon Bajgora me ndihmësit bujar Selimaj e Enis Bejtullahu kurse gjyqtari i katërt do të jetë Mentor Ajeti.
Edhe të dielën janë dy ndeshje, të cilat startojnë prej orës 13:00, Ballkani – Gjilani dhe Feronikeli ’74 – Llapi.
Alban Shala është gjyqtari kryesor në Gjilan, ku do të asistohet nga Fatmir Sekiraqa e Drilon Rexhepi derisa Egzon Dakaj do të jetë i katërti.
Në Drenas, kryesori do të jetë Eridon Podvorica pastaj asistentët Lumturie Muhadri e Kastriot Peci, si dhe gjyqtari i katërt Mervan Bejtullahu.
Xhiroja e 20-të, do të mbyllet me përballjen Malisheva – Ferizaj që luhet të martën nga ora 13:00 dhe do të drejtohet nga gjyqtari kryesor Genz Nuza.
Nuza do të asistohet nga Edmond Zeqiri e Zgjim Rrahimi kurse gjyqtar i katërt do të jetë Bardh Ajeti.
