Të enjten është bërë tërheqja e shortit për zyrtarët e pesë ndeshjeve të xhiros së 35-të, të cilat luhen të shtunën prej orës 16:00.
Derbi i kësaj xhiroje, ai ndërmjet Gjilanit dhe Dritës i është besuar Genc Nuzës që do të jetë gjyqtar kryesor, me asistentët Edmond Zeqiri e Altin Zhegrova kurse i katërti do të jetë Bardh Ajeti.
Alban Shala është gjyqtar kryesor në duelin Dukagjini – Ferizaj, ku do të ndihmohet nga Granit Hyseni e Pashtrik Burrniku derisa gjyqtar i katërt është Kujtim Krasniqi.
Feronikeli ’74 – Prishtina për gjyqtar kryesor do ta ketë Mentor Ajetin me Fatmir Sekiraqën e Kastriot Pecin asistentë kurse Gramos Shala do të jetë i katërti.
Malisheva – Suhareka do të drejtohet nga Lirim Jashari kryesor, pastaj Alban Ejupi e Bashkim Hyseni asistentë, si dhe Erdall Zasella gjyqtar i katërt.
Ndërkohë, në ndeshjen Ballkani – Llapi kryesori do të jetë Valon Bajgora me asistentët Besnik Morina e Bajram Kabashi derisa gjyqtar i katërt është Eridon Podvorica.
