Të enjten, në selinë e Federatës së Futbollit të Kosovës (FFK), është hedhur shorti për delegimin e gjyqtarëve që do të jenë në ndeshjet e xhiros së 23-t të Superligës.
Kjo xhiro do të karakterizohet me disa ndeshje të forta, ku spikatin duelet derbi që luhen të shtunën: Llapi – Drita dhe Ballkani – Prishtina.
Megjithatë, xhiroja do të hapet të premten me ndeshjen Ferizaj – Suhareka, në të cilën gjyqtar kryesor do të jetë Lirim Jashari.
Jashari do të asistohet nga Edmond Zeqiri e Altin Zhegrova kurse Granit Pacolli do të jetë gjyqtar i katërt.
Derbin Ballkani – Prishtina që luhet të shtunën, do ta drejtoj Dardan Çaka me asistentët Lumturie Muhadri e Kastriot Peci kurse gjyqtar i katërt do të jetë Rrezart Hasani.
Mentor Ajeti, do të jetë gjyqtar kryesor në derbin tjetër të shtunës, Llapi – Drita, do të jetë gjyqtar kryesor, me asistentët Bekim Rama e Drilon Rexhepi kurse i katërti është Egzon Dakaj.
Të dielën, do të luhen ndeshjet Gjilani – Feronikeli ’74 dhe Dukagjini – Malisheva, të cilat sikurse përballjet tjera startojnë në orën 14:00.
Në Gjilan, Ersen Janovali do të jetë kryesor dhe do të asistohet nga Granit Hyseni e Hekuran Osmani kurse Kujtim Krasniqi do të jetë gjyqtar i katërt.
Burim Jahmurataj do të jetë gjyqtar kryesor në Klinë, me asistentët Arbnor Bullatovci e Meriton Berisha kurse Gramos Shala do të jetë gjyqtar i katërt.
