Kështu ka deklaruar profesori në Universitetin e Winchesterit, Seb Bytyqi, duke shtuar se kjo për shkak se nuk dihet se cili ka qenë propozimi i këtyre shteteve për mbajtjen e zgjedhjeve serbe në Kosovë.
“Mendoj se është një deklaratë paksa ashpër për Kosovën ndoshta padrejtësisht mund të thuhet se është e paplotë sepse nuk qartësohet se çfarë ka qenë propozimi i QUINT-it që është refuzuar dhe po ta dinim i përmbajtjen do të mund të gjykonim më mirë për atë propozim por nuk dihet saktësisht se çfarë ka përmbajtur. Mund të thuhet se një deklaratë që na kthen te një periudhë e kaluar ku i bëhet presion tepër i madh Kosovës si palë më e dobët presion që ka konsideruar se ishte i padrejtë dhe mund të thuhet se kjo deklaratë i mbanë vetë Vuçiq për të dalë më mirë në zgjedhje në Serbi”, shtoi ai.
Sipas tij, përveçse e “padrejtë” kjo deklaratë është edhe brengosëse për Kosovën për shkak se “është krijuar një situatë e re në Evropë”.
“Mund të thuhet se është e padrejtë mirëpo në fakt është edhe brengosëse sepse kemi të bëjmë me një situatë të re në arenën evropiane dhe ndërkombëtare ku kemi një rreshtim të Serbisë përkrah Rusisë në konfliktin mes Rusisë dhe Perëndimit. Përderisa në raport me Rusinë, Perëndimi e ka kuptuar qëllimin subversiv të Rusisë për minimin e shteteve fqinje si duket po e injoron politikën e njëjtë të Serbisë ndaj shteteve fqinje të saj kështu që kjo është brengosëse jo vetëm se e padrejtë por edhe brengosëse prandaj këto mund t’i shtojmë edhe faktorët tjerë . Në të njëjtën kohë kemi deklaratëne NATO-së që do ta përforcojë Bosnjen për shkak se po kërcënohet nga Rusia kurse në të njëjtën ditë kritikohet ashpër Kosova kur dihet se vazhdimisht është në thumb të Rusisë dhe referohet Kosova nga Putin dhe kritikohet ashpër gjithashtu është e kërcënuar edhe Kosova nga Rusia dhe Serbia prandaj gjuha e ashpër jo vetëm e padrejtë edhe brëngosëse”, shtoi ai në “Ditari” në Tëvë1.
Ndërkaq, profesori thotë se mosmbajtja e këtyre zgjedhjeve ndikon në ngritjen e tensioneve ndër etnike dhe “tashmë është bërë traditë që saherë që ka zgjedhje në Serbi të ndodhin dramatizime të ndryshme”.
“Mendoj se zgjedhjet tashmë e dijmë edhe nga përvoja e shteteve tjera e dijmë që zgjedhjet janë periudhë mjaft sensitive, ndikojnë në ngritjen e tensioneve dhe sidomos ndëretnike dhe tashmë është bërë traditë që saherë që ka zgjedhje në Serbi të ndodhin dramatizime të ndryshme siç ishte rasti me trenin e famshëm dhe raste të ngjashme ku tensionohet situata edhe gjatë kësaj fushate është e pritshme që do të ketë një tensionim të situatës sepse kjo duke përfshirë edhe letrën e sotshme mendoj se i shkon në favor të partisë në pushtet dhe Vuçiq në Serbi dhe sigurisht mund të pritet një tensionim i situatës”, deklaroi ai.
Por, Bytyqi thekson se nëse Lista Serbe bojkoton institucionet e Kosovës, kjo nuk paraqet ndonjë problem për shkak se nuk është pjesë e koalicionit qeverisës.
“Mirëpo sai përket ndikimit në institucionet e Kosovës dihet se LS nuk është pjesë e koalicionit qeveritar, është në qeeri përmes obligimit kushtetues. Në rastet e mëhershme LS ka qenë pjesë e koalicionit pjesë përbërse e Qeverisë dhe votat e deputetëve të saj janë dashur qeverisë që të funksionojë në këtë rast LS nuk është pjesë e koalicionit, por e Qeverisë përmes theksit kushtetues. Dhe në rast se tërhiqet nga Qeveria plotësimi i ulëses në kabinetin qeveritar nuk ka efekt në kabinet sepse qeveria vazhdon të funksionojë me numrat ekzistues që i ka sepse nuk varet nga numrat e Listës Serbe as në Kuvend as në Qeveri”, shtoi ai.
Kurse, këtë situatë ai vlerëson se Serbia do ta shfrytëzojë në dialogun në Bruksel mes dy vendeve, “ashtu siç ka shfrytëzuar çdo gjë dhe ka shpikur gjëra që nuk janë të vërteta”.
“Do ta shfrytëzojë ashtu si ka shfrytëzuar çdo gjë edhe ka shpikur gjëra mirëpo nuk shoh se kjo do të ketë efekt të rëndësishëm në dialog tashmë kjo është si pjesë e ndryshimit të gjendjes ku tashmë kemi një qasje më ndryshe në dialog edhe ndërmjetësuesit duhet ta marrin më seriozisht Kosovën dhe duhet më me seriozitet konsideratat e palës kosovare, sidomos sa i përket shtetësisë dhe prioriteteve të Kosovës në agjendën e dialogut”, theksoi ai.
