I ftuar në emisionin “Këndi i Debatit” me Dukagjin Maliqin sonte në Tëvë1, Shaban Buza, ka rrëfyer ngjarjet në periudhën e viteve 1999 gjatë luftës në Kosovë kur ai ishte në atë kohë gazetarë në Reuters.
“Rambujeja ka qenë kurorëzimi i krejt përsiatjeve të popullit tonë ndër shekuj, dhe në fund realizimi dhe vetëdijësimi i Bashkësisë Ndërkombëtare se populli shqiptar është i gatshëm në Kosovë të luftojë për lirinë e vet, pasi që shumë nga ta kanë pasur hezitime dhe kanë menduar se janë grupe të vogla, mirëpo kur e kanë kuptuar se me të vërtetë populli e ka seriozisht dhe e mbështetë ushtrinë e vet sado që ka qenë e vogël, sado që ka qenë gjithmonë nën mbikqyrje të pushtetit dhe nën pushtetin sepse ka qenë shumë e vështirë të krijohet një forcë dhe të organizohet. Ne e dimë sigurimi shtetërorë serb jugosllav se çfarë organizmi ka pasur në ato pikat e Rambujes. 10 pikat e saj janë në dokumentin e Rambujes fatkeqësisht por fatmirësisht që pala tjetër nuk pranoi për një element që ishte atje sepse kësaj pauze pushimi apo konsultimi në teren me popullin dhe me ushtarë hyri pika që ne të deklarohemi vet pas një periudhe. Mirëpo nëse e bëjmë një krahasim ajo kishte me ndodh sikurse që ka ndodhur në Bosnjë tash, apo Maqedoni me konferencën e Ohrit”, ka thënë Buza në tëvë1.
