Sipas tij, Rusia ka menduar që për 48 orë apo për një javë Ukraina do të dorëzohet.
“Kjo deshtoi sepse u pa se Ukraina ishte përgatitur për këtë luftë, dhe se perëndimi ishte përgatitur e veçmas SHBA-ja sepse anekesimi i Krimesë ka dhënë shenja të qarta se Rusia ka politikë hegjemoniste dhe unë mendoj se SHBA-ja e ka kuptuar drejtë këtë por për fat të keq evropianët nuk e kanë kuptuar këtë sinjal” u shpreh Buxhovi.
Buxhovi poashtu tha se ka parë përkrahje të shteteve evropiane e veçanërisht nga Gjermania ndaj hegjemonisë ruse.
“Ka shumë fakte të cilat tregojnë së partnerët kryesorë evropianë në një farë mënyre e kanë përkrahur hegjemonizmin e Putinit. Një ndër to është Gjermania, sepse Rusia ka luajtur me kartën e njoftur gjeo-ekonomike me resurset e veta, kancelaria Merkel po edhe ish kancelari Shreder i cili është bërë më vonë zëdhënës i Putinit në mënyrën më brutale kanë shkelur mbi të drejtat njerëzore dhe mbi konceptet perëndimore për shkak të varësisë ekonomike dhe gazit rus”./teve1.info/.
