Historiani dhe publicisti, Jusuf Buxhovi duke folur për krizën institucionale në vend, ku dështoi formimi i institucioneve pas zgjedhjeve të shkurtit të këtij viti, ka fajësuar dy taborët e partive politike.
Ai ka thënë se të dy palët u treguan të papërgjegjshme.
Buxhovi, në emisionin “Këndi i Debatit” në Tëvë1, ka thënë partitë politike do duhej të gjenin kompromis dhe se me veprimet e tyre kanë dëmtuar imazhin e Kosovës.
“Mendoj se të dyja janë treguar të papërgjegjshme. Vetëvendosje e ka fajin më të madh, sepse është partia e parë dhe është dashur të përdorë të gjitha metodat që të krijoj aleat për qeveri. Partitë politike poashtu janë fajtore, sepse në asnjë moment nuk kanë treguar gatishmëri që ta marrin qeverisjen në përputhje me votat. Të dy palët kanë ndikuar në imazhin e keq të Kosovës te ndërkombëtarët”, ka thënë Buxhovi.
