Sipas tij, LDK-ja veçse ka filluar të jap disa indikacione për përafri me PDK-në, por që mbetet ende të demostrojë logjikën shtet-ndërtuese.
“Lidhja Demokratike i ka dhënë disa indikacione që është për një përafri por mbetet që edhe më tutje të demostrojë logjikë shtet-ndërtuese dhe jo t’i nënshtrohet disa trendeve grindjeve në parlament, të largohet nga parlamenti, sepse LDK-ja është parti institucionale. Por kjo vlen edhe për PDK-në, sepse edhe PDK është parti e cila ka një pjesëmarrje në shtetin e Kosovës pavarësisht qëndrimit të tyre ajo është parti e cila ka dalë nga krahu i luftës që do të thotë që ka pjesëmarrje në shtet-formimin e Kosovës”, ka thënë ai.
Në “ResPublika” në Tëvë1, Buxhovi tha se ne e kemi faktorin ndërkombëtar si mbikqyrës kryesor, dhe siç tha ai SHBA-të e kanë fjalën kryesore.
“Ne e kemi faktorin ndërkombëtar i cili është mbikëqyrësi kryesor dhe faktori ndërkombëtar e SHBA-ja e kanë fjalën kryesore. Ne e kemi pa edhe në zhvillimet dramatike kohët e fundit ku ambasadori Kosnet vitin e kaluar në parlament kur dikush tha se nëse ne nuk pranohemi në Europë bashkohemi më Shqipërinë, ai doli me një kumtesë tepër të ashpër dhe tha se ushtarët amerikanë nuk kanë vdekur kot, ata kanë vdekur për një kauzë të cilën është interes gjeostrategjik edhe i SHBA-së , pra shteti i Kosovës është interes edhe i SHBA-ja kjo neve na tregon se deri ku politika e Kosovës ka të drejtë të shkojë me ndonjë aventurë”, tha ai.
Tutje historiani shtoi se faktori politik në Kosovë e ka të qartë se duhet të gjejnë gjuhën e përbashkët dhe të dinë përgjegjësitë e tyre politike.
“Përkundër asaj që kemi pasur dy linja konfrontuese linjën institucionale me LDK-në e cila ishte bartës i shtetit dhe në anën tjetër krahun e luftës e cila me daljen në skenë të UÇK-së doli si faktor i politikës që bëhet me mjetet e luftës dhe forcën e diplomacisë e ktheu në diplomaci të luftës. Në këtë aspekt mendoj që nuk kemi nevojë për një ndërhyrje të tillë, por faktori politik e ka të qartë se duhet ta gjejë gjuhën e përbashkët dhe jo rastësisht e thash këtu që LDK-ja e ka një përgjegjësi historike në këtë drejtim, PDK-ja ka poashtu përgjegjësi. PDK e ka edhe një përgjegjësi tjetër që të reformohet sa më shpejtë dhe t’i kthehet kursit të përgjithshëm demokratik ta demokratizojë skenën e Kosovës dhe bashkë me LDK-në të krijojnë balancet në skenën politike të Kosovës“, ka shtuar Buxhovi”, teve1.info/.