Sipas tij Serbia po dëshiron të mos i prishë relacionet me Rusinë, dhe në anën tjetër formalisht në OKB, po i bashkohet rezolutave që janë kundër invazionit rus në Ukrainë. Kjo nënkupton që Serbia në të njëjtën kohë po i ruan raportet duke mos iu bashkuar sanksioneve ekonomike e as politike, përkundrazi luan këtë kartë.
“Serbia dëshiron që ta ruajë si aleat të natyrshëm që vazhdimisht së paku të bëjë trazira konsesione edhe me kartën e shkuarjes kah lindja, kah Rusia. Në këtë drejtim Serbia me dipmolacinë e fuqishme që e ka, dinë të i luaj lojërt mirë dhe kjo ka me pasë ndikim edhe në rajon.Ne e kemi involvimin e Rusië me Ballkanin e Hapur e cila është dashtë në njëfarë mënyre ta krijojë një Serbi me dy tre aleatë Maqedonia ose Shqipëria veçmas dhe ajo do të caktojë fuqinë dhe zhvillimet rajonale në mënyrë që ajo të jetë faktori kryesor”, tha Buxhovi.
I pyetur nëse ai e sheh “Ballkanin e Hapur” si një projeksion që vjen për interesa të Rusisë duke pasur parasysh aleatin e saj Serbinë, Buxhovi në emisionin “ResPublika” në Tëvë1 tha se Rusisë i ka konvenuar ashtu siç është hapur kjo çështje.
“Ju e dini që “Ballkani i Hapur” është hapur para 5-6 viteve në samitin e Berlinit, nuk është projektuar ashtu si e morrën përsipër Rama e Vuqiqi por edhe maqedonët, përkundrazi ajo konceptin e parë e ka që të bashkohen të gjitha vendet e ish-Jugosllavisë, por edhe Ballkani Perëndimor ku përfshihet edhe Bullgaria e Hungaria por të jenë të barabarta shtetet”, tha ai.
Sipas Buxhovit nuk mund të ketë barazi mes shteteve nëse Kosova nuk pranohet nga Serbia.
“Nuk mund të ketë barazi të shteteve po që se Kosova nuk pranohet së pari prej Serbisë, poashtu në këtë drejtim ne nuk mund të kemi një Ballkan të Hapur nëse nuk e përfhinë gjithë rrjetin ku do të jetë në mënyrë të barabartë të përfshira Serbia, Shqipëria, Maqedonia, Mali i Zi dhe Kroacia dhe është tepër e gabueshme ajo doktrina që e shpallte edhe Vuçiqi e Rama se na po i lidhin këto trija e mandej mund të shkojmë”, ka thënë ai.
Tutje historiani pyet se si do të mund të shkonte Kosova kur së pari nuk është e pranuar as si shtet, dhe në aspektin tokësor si do të komunikojë Shqipëria me Serbinë kur ajo nuk i ka kufijtë e natyrshëm me Serbinë. Sipas Buxhovit këto janë gabimet e mëdha të cilat lënë për të dyshuar se është luajtur në një kartë të rishikimeve të raporteve në rajon, ku Serbia ka kërkuar që ta ndërrojë diskursin politik nga shteti i cili ka kryer krime kundër njerëzimit të ndërrojë tashmë pozicionet./teve1.info.
