Ai përmes një postimi në Twitter ka thënë se ky proces duhet të finalizohet me një marrëveshje për njohje reciproke.
“Është inkurajuese të shohësh Gjermaninë duke bërë përpjekje për të rikthyer Kosovën dhe Serbinë në procesin e dialogut në këtë moment të veçantë për mjedisin e sigurisë në Evropë. Pas shumë vitesh ky proces duhet të finalizohet me një marrëveshje të përqendruar rreth njohjes reciproke që hap rrugën e BE-së për Kosovën dhe Serbinë”, ka shkruar Bushati.
Kryeministri i Kosovës, Albin Kurti dhe presidenti i Serbisë, Aleksandër Vuçiq të mërkuren më ftesë të kancelarit gjerman Scholz, kanë qëndruar në Gjermani.
Përveç takimeve të ndara me kancelarin gjerman, Kurti e Vuçiq, kanë zhvilluar takim të përbashkët me përfaqësuesin e BE-së për dialogun Miroslav Lajçak. /teve1.info/
It’s encouraging to see 🇩🇪 putting efforts on bringing back 🇽🇰🇷🇸 to the dialogue process on this particular moment for security environment in Europe. After many years this process should be finalized w/ an agreement centered around mutual recognition that clears 🇪🇺path for 🇽🇰🇷🇸.
— Ditmir Bushati (@ditmirbushati) May 5, 2022
