Prokuroria Themelore në Mitrovicë ka konfirmuar vrasjen e dyfishtë në fshatin Stanovc të Vushtrrisë.
Zëdhënësi i kësaj prokurorie, Valon Preteni ka thënë për teve1.info se dyshimet e para janë se një burrë ka vrarë një grua dhe më pas ka bërë vetëvrasje.
“Ka ndodhur një vrasje në qytetin e Vushtrrisë. Dyshimet e para janë për një burrë dhe një grua. Dyshohet se burri fillimisht e ka vrarë gruan dhe pastaj edhe veten. Në vend të ngjarjes ka dalë prokurori kujdestar dhe aty janë gjetur disa gëzhoja”, ka thënë Preteni.
Të dielën në Vushtrri ndodhi edhe një vrasje, ku një 19 –vjeçar u vra me armë zjarri nga bashkëmoshatari i tij.
