Fundori i Sigal Prishtinës, amerikani Damiree Burns është shpallur “MVP” i javës në dhjetë, ka njoftuar Federata e Basketbollit të Kosovës të hënën.
Burns ishte më i dalluari në fitoren e Prishtinës 93:89 ndaj Yllit pas vazhdimeve, pasi ndeshjen e mbylli me 24 pikë, 17 kërcime e 4 asistime.
Krahas çmimit “MVP i Javës”, Burns është përfshirë edhe në ekipin më të mirë të xhiros, pjesë e të cilit është edhe bashkëlojtari i tij, Daniel Lekndrejaj që ndaj Yllit shënoi 18 pikë, 12 kërcime e 5 asistime.
Vend në “Top 5”, kanë zënë edhe Jayveous McKinnis i Bashkimit, pastaj Jasquez Yow i Pejës dhe Samuel Hunter i Trepçës.
McKinnis regjistroi 24 pikë e 11 kërcime në fitoren e Bashkimit ndaj Proton Cable Prizrenit, Yow pati 19 pikë, 10 kërcime e 5 asisitime në triumfin e Pejës kundër Borës, ndërsa Hunter udhëhoqi Trepçën drejt fitores kundër Vëllaznimit, me 17 pikë, 4 kërcime e 2 asistime.
