Sulmuesi i Kombëtares së Shqipërisë, Armando Broja mund të konsiderohet futbollist i ri i skuadrës së Burnleyt, të rikthyer në Premier League për sezonin 2025/26.
Në fakt, Broja pritet që gjatë kësaj jave të prezantohet te Burnley, ekip që tashmë ka arritur marrëveshje me Chelsean për blerjen e tij.
Burnley ka pranuar të paguajë 25 milionë euro për Brojën, me të cilin është në negociata të avancuara për ta firmosur kontratën pesëvjeçare.
23-vjeçari sezonin e fundit ishte i huazuar tek Evertoni por për shkak të problemeve të shumta me lëndimet, regjistroi vetëm 10 paraqitje në Premier League.
Te Burnley po besojnë se Broja mund të jetë i dobishëm në fazën e sulmit për ta mbajtur ekipin në elitën e futbollit anglez edhe për sezonin e ardhshëm.
