Kryetari i Komunës së Podujevës, Shpejtim Bulliqi ka njoftuar se do të ndajë mjete financiare dhe do të sigurojë asistente për nënën nga Podujeva, e cila të mërkurën lindi katërnjakë.
Përmes një postimi në Facebook, Bulliqi e ka uruar çiftin për lindjen e fëmijëve.
“Nëna dhe fëmijët janë shumë mirë me shëndet dhe po e marrin shpejt vetën. I uroj nga zemra Diellzën dhe Agronin për lindjen e fëmijëve, duke ju dëshiruar jetë të gjatë, të shëndetshme dhe të lumtur së bashku”, shkroi Bulliqi./teve1.info/
