Kryetari i Podujevës, Shpejtim Bulliqi ka pritur sot në takim kryetarin e Leposaviqit, Lulzim Hetemi.
Bulliqi në Facebook tha se e ka përgëzuar Hetemin për siç tha ai, qëndrueshmërinë dhe vendosshmërinë e treguar për të qeverisur me komunën, përkundër telasheve dhe sfidave të ndryshme.
Derisa theksoi se gjatë takimit është biseduar për fushat ku mund të bashkëpunojnë komunat të cilat ata udhëheqin.
“Kryetarin Hetemi e njoftova nga afër për projektet e komunës sonë, si dhe gjatë takimit diskutuam për fushat ku mund të bashkëpunojmë si dy komuna të afërta gjeografikisht. Shpreha mbështetjen e plotë për kryetarin Hetemi dhe stafin e tij, si dhe i sigurova që do të jemi në krah të tyre për t’ju ndihmuar në ballafaqim me problemet e ndryshme që mund të ju shfaqen në realizimin e detyrave të tyre”, tha Bulliqi./teve1.info./
