Një krim i rëndë që ndodhi në Llap, mblodhi me urgjencë Këshillin Komunal për Siguri në Bashkësi.
Kryetemë diskutimi ishte vrasja e 18 vjeçarit, Lulzim Fejzullahu.
E në këtë sallë, u mblodhën për të diskutuar për të vetmen pikë “Situata e Përgjithshme e Sigurisë në komunën e Podujevës”.
Mirëpo, para diskutimin u mbajt një minutë heshtje nga i pari i Komunës, Shpejtim Bulliqi.
E pas kësaj, nga mediet u kërkua që të lëshojnë sallën.
E diskutimi brenda që zgjati më shumë se 90 minuta, u bë me dyer të mbyllura.
Pas diskutimeve me përfaqësues të policisë, drejtoritë komunale dhe shoqërisë civile, Bulliqi iu drejtua medieve.
Ai shpalosi detaje për dosjet e dy të miturve të cilët dyshohet se e kanë kryer veprën.
Mirëpo, kur u pyet në lidhje me ecurinë e hetimeve, refuzoi të përgjigjet.
Megjithatë drejtori i drejtorisë së Arsimit në këtë komunë, Avni Fetahu tha se njëri nga të miturit nuk është përjashtuar nga shkolla por është pezulluar.
E këtë mbledhje pati edhe të atillë që nuk qëndruan deri në fund.
Shemsi Jashari nga Organizata “Demokracia Fillon Këtu” tregon që vendimin për largim nga mbledhja e mori pasi siç thotë, nuk iu lejua fjala.
Për këtë vepër, dyshohen dy të mitur të moshës 17vjecare.
Dënimi maksimal për ta sipas ligjit është 10 vjet.
