Kryetari i Komunës së Podujevës, Shpetim Bulliqi gjatë debatit që kishte me kryetarin e Degës së LDK-së, Ekrem Hyseni, në Tëvë1 tha se ata duhet të flasin për projekte pasi në politikë e ka mundur.
Bulliqi në emisionin “Info Nata” tha se Hyseni nuk ka pasur guxim që të dalë në debate me të asnjëherë.
“Të kthehemi të projekte dhe leni politikën. Hajde të flasim për punë për gjëra konkrete, pasi në me politike të kam mundur, tani të flasim a jemi duke punuar, apo nuk jemi. Kur vjen koha për politikë do të bëjmë debate. Unë u kënaqa sonte pasi ky kurrë nuk ka guxuar me më dal në debat, por thosha sonte ndoshta është përgatitë diçka”, ka deklaruar Bulliqi.
Në anën tjetër, Hyseni e ka quajtur mashtrues Bulliqin, duke thënë se kapitulli i tij në pushtet do të mbyllet shumë shpejt.
“Asnjëherë nuk më keni mundur. Ti në politikë do të jesh një kapitull i mbyllur shumë shpejt. Politikat e dhe pazaret do të marrin fund shumë shpejtë, pasi të kanë zbuluar. Ne e kemi një person mashtrues, i cili e ka premtuar qytetarin me premtime të rrejshme”, ka thënë Hyseni.
