Kryetari i Komunës së Podujevës, Shpejtim Bulliqi, ka thënë se ka kryetarë komunash të cilët nuk janë të interesuar për t’i quar përpara projektet qeveritare.
Ai këtë e ka thënë duke folur për ndarjen e investimeve kapitale që sipas opozitës Qeveria investimet i kanë ndarë më së shumti në komunat të cilët udhëhiqen nga Vetëvendosja.
“Fatkeqësisht kemi kryetarë të komunave që sipas diskutimeve që kemi pas me disa ministra nuk i shtyjë përpara projektet qeveritare, ose i neglizhojnë dhe shpesh ndodhë qe ato projekte nuk kryhen me kohë dhe paratë kthehen në suficit”, ka thënë Bulliqi në emisionin “Këndi i Debatit” në Tëvë 1.
Megjithatë Bulliqi ka thënë se ka kryetar që vijnë nga partitë opozitare që janë të interesuar dhe kanë përfituar shumë projekte.
Asociacioni Komunave por dhe disa kryetarë kishin kundërshtuar ndarjen e mjeteve për investime kapitale nga Qeveria për vitin 2024.
