Kryetari i Komunës së Podujevës, Shpejtim Bulliqi bashkë me kryeministrin Albin Kurti, ministrat Albulena Haxhiu dhe Xhelal Sfeçla deputetë, e drejtorë komunal ishin për ngushëllime tek familja Fejzullahu për humbjen e familjarit të tyre Lulzimit.
Bulliqi në Facebook tha se kanë ndarë dhimbjen me familjen dhe të afërmit e 18 vjeçarit, derisa ka uruar që drejtësia ta thotë fjalën e saj.
“Ndamë dhimbjen me familjen dhe të afërmit, si dhe ju shprehëm mbështetjen tonë të plotë për tejkalimin e kësaj dhimbjeje që na pikëlloi thellësisht të gjithëve. Zoti ju dhashtë durim e forcë familjes! Urojmë që drejtësia ta thotë fjalën e saj në mënyrë meritore”, shkroi Bulliqi./teve1.info./