Bullgaria do të nisë një kontingjent prej 100 ushtarësh bullgarë për në Kosovës, për t’iu bashkuar misionit paqeruajtës të KFOR-it.
Ceremonia zyrtare do të mbahet më 21 mars në bazën ushtarake në qytetin Yambol.
Ndërkaq, në këtë aktivitet do të marrin pjesë zëvendësshefi i mbrojtjes i vendit, gjeneral-lejtnant Mikhail Popov dhe komandanti i Forcave Tokësore, gjeneralmajor Dejan Deshkov.
Ministria bullgare e mbrojtjes, ka njoftuar se në përbërjen e formacionit janë përfshirë rreth 100 ushtarakë, kryesisht nga Brigada e 2-të e Mekanizuar e Forcave Tokësore, si dhe efektivë nga Komanda e Forcave të Bashkuara, KIS Mobile dhe Akademia Mjekësore Ushtarake.
“Kontingjenti ka përfunduar stërvitjen në Batalionin e 42-të të Mekanizuar, Yambol dhe zyrtarisht është shpallur ‘gati luftarake’ nga Ministria e Mbrojtjes”, thuhet në njoftim.
Kujtojmë se gjatë muajit prill, edhe Gjermania pritet ta rrisë numrin e pranishëm të ushtarëve në Kosovë./teve1.info/.
