Gjatë intervistës së tij në emisionin “ResPublika”, Ramë Buja deklaroi se dialogu për Kosovën nuk ka nënkuptuar asgjë, mirëpo sipas tij, pala serbe ka kërkuar që të na e “mjegullojnë” punën duke bërë kërkesa të saktësuara sipas logjikës së tyre.
“Do japësh diçka dhe do marrësh diçka, por të marrësh qind për qind atë që synon kjo është e qartë dhe e dimë fare mirë se ne nuk e kemi kërkuar dialogun, ne e kemi realizuar punën tonë, synimin tonë dhe ëndrrën tonë për liri të Kosovës në vitin 1999. Dialogu për ne nuk ka nënkuptuar asgjë. Kanë kërkuar të tjerët, pala tjetër që të na mjegullojnë punën, e jo vetëm të na mjegullojnë por ata kanë kërkesa të saktësuara sipas logjikës së tyre, jo vetëm mjegull por kanë kërkesa të saktësuara dhe kjo më shqetëson për faktin që do të duhej ne t’i dimë për faktin se deri ku mund të shkojë”, tha Buja.
Ai tutje theksoi se në dialog edhe pala kosovare do të duhet të “lëshoj pe”, por sipas tij, delegacioni i Kosovës nuk e di ende se çfarë mund të jap.
“Po dialogojmë, diçka do të duhej lëshuar pe dhe ku do lëshojmë pe dhe cila është ajo pjesa më e favorshme që ne duhet të lëshojmë pe për diçka, për të marrë diçka si thuhet dhe kjo është logjikë e dialogut, por kam përshtypjen dhe uroj që të mos jetë ia qëlloj që nuk është bash kështu që gjithçka është e saktësuar dhe thuhet ose dihet se deri ku mund të shkoj pjesa jonë e delegacionit”, tha ai.
