Juventusi ka marrë një barazim të vlefshëm në udhëtim te Roma pasi kanë luajtur baras 1-1.
Pas ndeshjes, ish -portieri i Juventusit, Gianluigi Buffon, ka komentuar ecurinë e skuadrës, teksa ka thënë se ky Juventus tani ka unitet.
“Pasi pashë ekipin sonte, ndjeva se lojtarët kishin diçka për t’i thënë njëri-tjetrit dhe diçka për të ndarë; ata po lëvizin në të njëjtin drejtim. Në fillim të sezonit, ata dukej se po luftonin gjithashtu, por unë nuk pashë një qëllim të përbashkët mes tyre, kështu që të gjithë po e interpretonin ndeshjen në mënyrën e tyre. Nuk kishte unitet”.
Megjithatë Buffon beson se mottën e pret një e ardhme e mirë si trajner.
” Motta? Mendoj se, duke marrë parasysh përvojën e tij fillimisht si lojtar dhe më pas si trajner, ai do ta përballojë mirë këtë sfidë. Unë ende besoj se e pret një karrierë e madhe, ndaj shpresoj që ky dështim të jetë një mësim për të dhe ta ndihmojë të bëhet një trajner më i mirë. Unë kam ende shumë besim në të ardhmen e tij”.
“Në të njëjtën kohë, të thuash se Tudor vetëm solli vendosmëri në skuadër do të ishte gjithashtu e gabuar. Ai tashmë tregoi në Lazio sezonin e kaluar se çfarë mund t’i japë klubit, energjinë dhe pozitivitetin që i transmeton skuadrës. Kjo ishte edhe ajo që i duhej skuadrës në Juventus”.
“Qasja e Motta ishte sigurisht e pazakontë për Juventusin. E njëjta gjë me vendimin e tij për zgjedhjen e lirshme të kapitenit para ndeshjes. Gjëja e parë që shihni kur hyni në dhomat e zhveshjes së Juventusit janë fotot e kapitenëve nga historia më shumë se 100-vjeçare e klubit”.
“Kjo tregon se duhet të gjesh një kapiten mes lojtarëve dhe të qëndrosh me ta sepse në momente delikate ose kur ke nevojë për dikë që të përcjell mesazhin e trajnerit, kapiteni nuk mund të jetë i dobët. Ata kanë nevojë për mbështetje dhe për t’u ndjerë si qendra e skuadrës”, tha ish-portier italian.
