Sulmuesi Armando Broja do të jetë startues në ndeshjen që Evertoni e luan këtë vikend kundër Ipswich Townit në kuadër të Premier Leagues.
Broja i mungoi Evertonit në humbjen nga Chelsea në xhiron e fundit për shkak se nuk mund të luan ndaj ekipit që ka në pronësi kartonin e tij, por ndaj Ipswichit do të jetë në fushë prej minutës së parë.
Kjo ndeshje luhet të shtunën prej orës 16:00 dhe i takon xhiros së 35-t të kampionatit anglez.
Në anën tjetër, Ipswichi do të jetë pa portierin e Kosovës, Arijanet Muriq, që nuk është rikuperuar nga lëndimi prej muajit mars.
Muriq i ka munguar Ipswichit në shtatë ndeshjet e fundit në Premier League.
