Sulmuesi i Kombëtares së Shqipërisë, Armando Broja është afër rikuperimit dhe muajin tjetër pritet të kthehet në fushë.
Në fakt, Broja ende nuk ka luajtur këtë sezon për shkak të lëndimit të pësuar në gusht gjatë fazës përgatitore me Chelsean.
Ai në ditën e fundit të afatit kalimtar të verës, u huazua tek Evertoni dhe po pritet që në mesin e muajit të ardhshëm të debutoj.
Mësohet se Broja tashmë ka nisur me stërvitje të lehta dhe së shpejti do t’i bashkohet pjesës tjetër të ekipit.
Tek Evertoni po shpresojnë që Broja të debutoj në duelin kundër Brentfordit, e cila luhet më 23 nëntor, menjëherë pas ndeshjeve të kombëtareve.
Evertoni ka opsionin e blerjes së Brojës verën tjetër për 30 milionë euro, ndërsa sulmuesi ka kontratë me Chelsean deri në verën e vitit 2028.
