Sulmuesi i Kombëtares së Shqipërisë, Armando Broja ka gjasa të mëdha që edicionin e ardhshëm të jetë pjesë e Borussia Dortmundit.
Mediumet gjermane kanë raportuar të enjten se Dortmundi është në fazë të avancuar të negociatave me Chelsean për transferimin e Brojës në fund të këtij edicioni.
Broja do të largohet nga Chelsea në verë pasi nuk bën pjesë në planet e klubit londinez, ndërsa kartoni i tij vlerësohet rreth 20 milionë euro.
Dortmundi po vlerësohet favorit për transferimin e Brojës para Ipsëich Townit, Brentfordit e West Hamit, skuadra që gjithashtu kanë shprehur interesim për Brojën.
22-vjeçari në fillim të këtij viti u huazua te Fulhami kurse me Chelsean ka kontratë deri në vitin 2028. Dortmundi këtë edicion ka siguruar finalen e Ligës së Kampionëve ku do të përballet me Real Madridin.
