Sulmuesi Armando Broja pret të jetë startues te Burnley ndaj Tottenhamit, pasi synimi i tij është që karrierën te skuadra e re ta nis me gol.
23-vjeçari do ta kërkoj golin ndaj Tottenhamit dhe shpreson që trajneri i Burnleyt, Scott Parker ta aktivizojë prej minutës së parë të takimit.
Burnley në xhiron e parë të sezonit të ri në Premier League, luan në udhëtim te Tottenhami, duel ky që luhet të shtunën prej orës 16:00.
“Do të ishte start i mrekullueshëm për mua te Burnley dhe shpresoj që të marrim pikët e plota pasi është gjithmonë fantastike të luash ndaj Tottenhamit dhe të shënosh në ndeshje të tilla”, ka thënë Broja.
Ditë më parë, Broja u transferua te Burnley nga skuadra e Chelseat për 25 milionë euro dhe me ekipin e ri ka firmosur kontratë deri në verën e vitit 2030.
