Sulmuesi i Shqipërisë, Armando Broja është shprehur tejet i lumtur që do të jetë pjesë e skuadrës së Fulhamit për pjesën e mbetur të këtij edicioni.
Broja në orët e fundit të afatit kalimtar të janarit u huazua te Fulhami nga skuadra e Chelseat, e cila përfitoi katër milionë funte nga ky huazim.
Ai te Fulhami do ta bartë fanellën me numrin 9, ndërsa në intervistën e tij të parë, Broja ka thënë se me padurim pret të luaj me ekipin e ri.
“Jam shumë i lumtur që jam pjesë e Fulhamit dhe me padurim prej të takoj bashkëlojtarët dhe trajnerin, por edhe të paraqitem para tifozëve. Zgjodha Fulhamin sepse ishte klubi që më përshtatej më së shumti. Dua të luaj, të ndihmoj ekipin dhe të shënoj sa më shumë gola”, është shprehur Broja.
22-vjeçari ka kontratë me Chelsean deri në vitin 2028, ndërsa këtë edicion ka shënuar 2 gola dhe ka dy asistime në 19 paraqitje në të gjitha garat.
