Sulmuesi Armando Broja po merr vëmendjen tek Evertoni pasi la prapa lëndimin në muajin e shkuar dhe tashmë ka fituar besimin e plotë të trajnerit David Moyes. Broja duket se tashmë ka lënë prapa lëndimin e tij, ndërsa në intervistën e fundit është treguar optimist për të ardhmen.
Tek Evertoni presin më shumë nga Broja kurse sulmuesi 23-vjeçar insiston se mund të bëjë më tepër dhe ta ndihmoj Evertonin deri në fund të sezonit. “Dua të futem në fushë dhe të jap gjithçka që mundem. Jam i bindur se më e mira mund të vijë pasi e di se çfarë mund të bëjë. E di kapacitetin tim dhe jam gati ta ndihmoj ekipin”, ka thënë Broja.
Ai para fillimit të këtij sezoni u huazua nga Chelsea tek Evertoni, ekip që ka opsionin e blerjes së tij në verë për 20 milionë euro. Broja deri më tani ka 8 paraqitje në Premier League për Evertonin kurse me Chelsean ka kontratë deri në vitin 2028.
