Kryetarja e Kuvendit të Serbisë, Ana Brnabiq, ka shpërthyer me fyerje të rënda gjatë një seance parlamentare.
Mediat serbe raportojnë se Brnabiq shau publikisht një profesoreshë dhe deputeten e opozitës, Jelena Jeriniq.
Incidenti ndodhi pasi deputetja Jeriniq përmendi rastin e profesoreshës Vasiq, duke cituar pjesë nga ditari i saj personal. Ajo tha:
“Në çdo kohë dhe në çdo situatë, unë do t’i besoj më shumë Marija Vasiq-it sesa juve”.
Kjo deklaratë e “irritoi” Brnabiqin, e cila reagoi nga vendi i saj në Kuvend, duke thënë:
“Keni një besim të pakufishëm te Marija Vasiq dhe i besoni asaj për gjithçka. Atëherë na tregoni ju këtu kush nga Universiteti i Beogradit ka planifikuar grushtin ushtarak, pasi këtë e ka deklaruar Marija Vasiq.”
Pas kësaj, duke u larguar nga mikrofoni dhe e rrethuar nga duartrokitjet e kolegëve të saj nga partia, Brnabiq është dëgjuar duke sharë rëndë.
“Nanën ta q… Edhe ty, edhe Marija Vasiq-it.”, raporton N1.
