Britney Spears, 43 vjeç, po përballet përsëri me kritika pas një incidenti shqetësues në një fluturim çarter nga Cabo San Lucas për në Los Angeles.
Raportet thonë se ajo piu në mes të fluturimit dhe ndezi një cigare në kabinë, duke bërë që asistentët e fluturimit të ndërhynin.
Me t’u ulur në LAX, Spears u prit nga autoritetet dhe mori një paralajmërim zyrtar, megjithëse ajo nuk u arrestua.
Incidenti ka ringjallur shqetësimet në lidhje me shëndetin e saj mendor dhe nëse përfundimi i kujdestarisë së saj në vitin 2021 ishte vendimi i duhur.
Burime i thanë TMZ se disa persona të afërt me Spears ende vënë në dyshim aftësinë e saj për të menaxhuar jetën në mënyrë të pavarur.
Ndërkaq, Spears ka kërkuar ndjesë duke thënë se nuk është ajo përgjegjëse për ndezjen e cigareve.
“Mikesha ime ma vuri në gojë dhe e ndezi për mua, ndaj mendova ‘Qenka avion ku lejohet të pish duhan”, shkroi këngëtarja në Instagram të premten, krahas një videoje në avion.
“Me të vërtetë kërkoj ndjesë ndaj kujtdo që u ofendua, por stjuardesat gjithmonë më vendosin në fund të avionit gjithsesi !!!”
Ajo e minimizoi çështjen duke e quajtur “jashtëzakonisht qesharake” në postimin e saj dhe tregoi se ka qenë në avion ku ndalohet duhani, por mendoi se ky ishte ndryshe “sepse mbajtëset e pijeve ishin jashtë sediljes.”
Ajo pranoi gjithashtu se kishte konsumuar alkool gjatë fluturimit nga Cabo San Lucas, Meksikë drejt Aeroportit të LAX në Los Angeles, dhe sipas TMZ, ajo deklaroi se ishte “hera e parë që pi VODKË!!!”
Sipas TMZ, stjuardesat menduan se Spears po sillej “vështirë” – edhe pse ajo e fiku cigaren kur ia kërkuan – ndaj u thirrën autoritetet për ta pritur kur zbriste nga avioni.
“Mendova se zyrtarët më pritën për mbështetje dhe thashë: ‘WOW, ndihem e veçantë!!!’ S’kam qenë kurrë në një aeroport ndërkombëtar !!! Jam e famshme apo diçka e tillë ???”, tha ajo me ironi.
Spears pretendoi gjithashtu se një stjuardesë në veçanti ishte sjellë keq me të dhe “nuk e linte të ngrihej nga vendi”, edhe pse në avion nuk kishte askënd tjetër për 20 minutat e para.
“Ajo sillej shumë çuditshëm për t’u siguruar që unë të ulesha dhe ishte shumë e çuditshme!!! S’më pëlqeu mënyra si ma vendosi rripin e sigurimit dhe më hyri në hapësirën personale!!!”
Postimi i Britney përfundoi me një referencë për bizhuteritë e saj, duke u pyetur fansave: “Ju pëlqen chokeri im me lule ??? ‘B tiny’ po vjen së shpejti dhe kjo është diçka që kemi shtuar!!! Është sinqerisht i adhurueshëm!!!”
Sapo zbriti nga avioni, një punonjës dogane thuhet se e la të lirë vetëm me një paralajmërim.
