Kryeministri britanik ka thënë se Britania, Franca dhe Ukraina kanë rënë dakord që të hartojnë një plan armëpushimi që do i paraqitet Shteteve të Bashkuara.
Starmer ka thënë se plani doli pas bisedimeve mes liderëve të katër vendeve, kjo pas takimit që Zelenskyy pati me presidentin Trump.
Starmer do pret një samit të liderëve evropianë në Londër të dielën për të diskutuar Ukrainën, raporton AP.
“Ne kemi një mundësi të bashkohemi për të siguruar një paqe të drejtë dhe të qëndrueshme në Ukrainë që siguron sovranitetin dhe sigurinë e tyre,” tha Starmer paraprakisht.
“Tani është koha që ne të bashkohemi për të garantuar rezultatin më të mirë për Ukrainën, për të mbrojtur sigurinë evropiane dhe për të siguruar të ardhmen tonë kolektive.”
Samiti do të përfshijë gjithashtu liderë nga Franca, Gjermania, Danimarka, Italia, Holanda, Norvegjia, Polonia, Spanja, Kanadaja, Finlanda, Suedia, Republika Çeke dhe Rumania. Do të marrin pjesë gjithashtu ministri i jashtëm turk, sekretari i përgjithshëm i NATO-s dhe presidentët e Komisionit Evropian dhe Këshillit Evropian.
