Sekretarja e Jashtme e Mbretërisë së Bashkuar, Yvette Cooper, ka dënuar ashpër veprimet e Rusisë, duke i cilësuar si shkelje të detyrimeve ndërkombëtare dhe kërcënim për sigurinë në Evropë.
Ajo theksoi sulmet e shtuar ndaj Ukrainës dhe ndërhyrjet në hapësirën ajrore të Polonisë, Rumanisë dhe Estonisë si “të pamatura” dhe me pasoja të rënda, citon The Guardian.
“Këto akte të fundit janë të rrezikshme dhe të pamatura… Ata hapin derën për konfrontim të drejtpërdrejtë të armatosur midis NATO-s dhe Rusisë.”
Cooper paralajmëroi se NATO është e gatshme të mbrojë hapësirën e saj ajrore dhe territorin e saj:
“Ne jemi të gatshëm të ndërmarrim të gjitha hapat e nevojshëm për të mbrojtur qiellin e NATO-s dhe territorin e NATO-s.”
Ajo e përshkroi luftënxitjen e Rusisë si një kërcënim për rendin ndërkombëtar dhe vlerat që qëndrojnë pas organizatave globale:
“Luftënxitja imperialiste e Rusisë është një kërcënim për paqen dhe sigurinë ndërkombëtare… Ne duhet ta kundërshtojmë atë për hir të të gjithëve ne.”
Deklarata e Cooper riafirmon qëndrimin e fortë të Mbretërisë së Bashkuar dhe aleatëve të saj në mbrojtje të paqes dhe stabilitetit në Evropë.
