Skuadra e Juventusit ka njoftuar të martën se mbrojtësi Gleison Bremer është operuar me sukses në Lyon të Francës.
Braziliani javën e shkuar lëndoi ligamentet e gjurit dhe patjetër duhej t’i nënshtrohet operimit, të cilin tashmë e ka kaluar me sukses.
ADVERTISEMENT
Edhe pse Juventusi nuk e ka bërë të ditur periudhën e mungesës së Bremerit, mediumet italiane raportojnë se 27-vjeçari do të qëndroj jashtë fushe të paktën për gjashtë muaj.
Në njoftimin e Juventusit thuhet se ditëve në vijim, Bremer do ta nis procesin e rikuperimit për t’u rikthyer në fushë sa më shpejt që të jetë e mundur.
Bremer në vitin 2021 iu bashkua Juventusit nga skuadra e Torinos dhe me “bardhezinjtë” ka regjistruar 91 paraqitje në të gjitha garat, ku ka realizuar edhe tetë gola.
