Andre Breitenreiter raportohet se është një nga kandidatët kryesorë për t’u bërë përzgjedhës i Kosovës, siç shkruan mediumi zviceran “20 minuten”.
Ish-trajneri në Bundesligë dhe i Zuerichut, thuhet se do t’i nisë së shpejti bisedimet për të pasuar Primozh Glihën te Kosova.
Gjermani 50-vjeçar është pa punë që nga largimi prej Hoffenheimit në shkurt.
Te Kosova, Breitenreiter do të bashkohej me Fidan Alitin dhe Mirlind Kryeziun, që i udhëhoqi te Zuerichu.
Në të kaluarën, ka qenë pjesë edhe e Paderbornit, Schalkes e Hannoverit.
