Lahi Brahimaj nga AAK ka deklaruar se shtatë deputet të LVV-së janë të gatshëm me iu bashkangjitur partive opozitare në LDK, PDK dhe AAK.
Brahimaj thotë se VV-ja nuk ka numra të mjaftueshëm për ta bërë Qeverinë e vetme.
“Në çoftë se LVV-ja siguron numrin e mjaftueshëm për të formuar Qeverinë e Kosovës, ne mendojmë që ai nuk ka numra të mjaftueshëm për të bërë qeverinë e vetme vetëm nëse e bënë me Listën Serbe…. Po përflitet që VV-ja mund të përshkojë disa deputetë të partive opozitare, kam informata që afër shtatë deputet të VV-së janë të gatshëm me iu bashkangjitur opozitës, disa në LDK, PDK dhe AAK”, ka deklaruar Brahimaj në emisionin “Ditari” në tëvë1.
Brahimaj thotë se nuk ka pritur një rezultat të tillë të zgjedhjeve.
“Unë mendoj që politikisht Kosova në arenën ndërkombëtare kurrë më keq nuk ka qenë, por Kosova është e pavarur ka institucionet e veta. Nuk ka qenë rezultat i pritshëm, po ne e dimë që edhe UÇK në krye me Adem Jasharin në vitet 90`ta deri në rënien e Adem Jasharit një përkrahje ishte rreth 3% edhe atyre aktiv dhe atyre që e mbështeteshin”, ka thënë Brahimaj.
I pyetur për synimin e tij në ulësen e Kuvendit, ky i fundit thotë se do ta ketë prioritet kategoritë e luftës, si dhe ligjet e nevojshme për subvencionimin dhe grandet e bujqësisë.
“Sigurisht prioritet do të jenë kategoritë e luftës, do të përkrahen të gjitha kategoritë e luftës, ligjet e nevojshme për subvencionimin dhe grandet e bujqësisë”, tha ai./teve1.info/
