Banka Qendrore e Kosovës mbajti konferencën tradicionale të fundvitit, ku ndër të tjera u bë e ditur se në veri të vendit pritet të funksionalizohen banka të reja ndërkombëtare.
Këtu, guvernatori i BQK-së, Ahmet Ismaili njoftoi për projeksionet e këtij institucioni.
Ismaili bëri të ditur se rritja ekonomike e Kosovës pritet të jetë rreth 4.3 përqind.
Ndërsa shkalla e inflacionit sipas Ismailit është 1.6 përqind.
E lidhur me dërgesat e mërgatës, deri në muajin shtator tejkaluan vlerën e 1 miliard eurove.
Kurse investimet e huaja direkte arritën vlerën e 657.3 milionë eurove.
Ismaili theksoi poashtu performancën në sektorin financiar.
Nga BQK treguan se a do të hapen edhe banka të tjera në veri të Kosovës.
Ismaili tha poashtu se ka përmirësime për mbrojtjen e konsumatorit, ku në kuadër të BQK-së është hapur Departamenti i ri, me qëllim shqyrtimin e praktikave të tregut.
E në këtë konferencë vjetore, guvernatori bëri të ditur lansimin e Platformës për Krahasimin e Produkteve dhe Shërbimeve Financiara në kuadër të Edukimit Financiar.
Gjithashtu, ai tha se BQK-ja gjatë këtij viti ka përmbyllur para-aplikimin për Zonën Unike të Pagesave në Euro e njohur si SEPA te Komisioni Evropian.
