Kampionët e Denver fituan sot 113-104 ndaj Washington dhe i afrohen gjithnjë e më shumë kreut të renditjes në Perëndim. Ndeshje e kontrolluar nga lojtarët e Nuggets, ku u dallua Nikola Jokic, autor i 42 pikëve dhe 12 rebound.
Rikthehet te fitorja ekipi i Lakers, që mundi 134-110 Portland. Russell me 34 pikë e James me 28 pikë ishin dy më të mirët për Lakers.
Fiton edhe ekipi tjetër i Los Anxhelos, ai i Clippers, që mundi 125-114 Brooklyn. Harden me 24 pikë e Westbrook me 23 u dalluan për vendasit.
Humbja e tretë radhazi për Miami, që u mund 105-87 nga Orlando në derbin e Florida. Të gjithë titullarët e Orlando realizuan mbi 10 pikë.
Boston konsolidon kreun e renditjes në Lindje, shkëputur ndjeshëm nga rivalët, pas fitores 116-107 në fushën e Houston. Për Celtics u dallua Porzingis, autor i 32 pikëve.
