Fitorja e dytë radhazi për Boston, që tashmë i afrohet ndjeshëm Milëaukee në krye të renditjes në Lindje. Celtics fituan sot 126-112 ndaj Portland jashtë fushe, sfidë ku të gjithë titullarët e ekipit mik realizuan mbi 10 pikë. Tatum me 34 pikë e 12 rebound ishte më i miri në fushë për Boston, duke i bërë të pavlefshme 41 pikët e Lillard.
Lakers u mundën në sekondën e fundit 111-110 nga Dallas, duke rrezikuar fazën play off. Irving me 38 pikë bëri diferencën në fushë për teksanët, ndërsa 26 pikët e 10 rebound të Davis mbetën për statistikë.
Pa probleme fiton Philadelphia, që falë 38 pikëve e 13 rebound të Joel Embiid, mundi 121-82 Charlotte jashtë fushe.
Bie sërish ekipi kampion i Golden State, që u mund 127-119 nga Cleveland, ndeshje ku diferencën në fushë e bëri kolektiviteti i skuadrës vendase (7 lojtarë mbi 10 pikë).
Pas kohës shtesë buzëqesh Memphis, që mundi 126-120 San Antonio, takim ku Jones realizoi një “triple double” (20 pikë, 10 rebound e 10 asist).
Pas kohës shtesë fitoi dhe skuadra e Chicagos me rezultatin 137-131 ku DeRozan ishe i pa ndalshëm dhe në momentet kruciale i’a siguroi ekipit të Demave fitoren.
NBA – Rezultatet e sotme
Charlotte – Philadelphia, 82-121
Atlanta – Golden State, 127-119
Cleveland – Washington, 117-94
Chicago – Minnesota, 139-131
Houston – New Orleans, 114-112
San Antonio – Memphis, 120-126
Portland – Boston, 112-126
Lakers – Dallas, 110-111
