Përfaqësuesi i Lartë i BE-së për Politika të Jashtme dhe Siguri, Josep Borrell, thotë se shpreson që Kosova dhe Serbia ta pranojnë propozimin evropian
“Unë u takova me presidentin Vuçiq dhe kryeministrin Kurti. Unë i ftova ata që të vijnë dhe të kemi një diskutim tërëditor në Bruksel më 27 shkurt sepse është një propozim në tavolinë dhe unë shpresoj që ata do ta pranojnë këtë propozim si një mënyrë për t’i normalizuar marrëdhëniet e tyre”, tha Borrell për “Deutsche Welle” në serbisht.
Po ashtu spanjolli u shpreh i zhgënjyer me faktin që Serbia nuk po e harmonizon sa duhet politikën e saj të jashtme me atë të BE-së.
“Ne i ftojmë të gjithë anëtarët e bashkësisë ndërkombëtare, e sidomos ato që janë kandidate për t’u bërë anëtare të BE-së të harmonizojnë politikën e tyre të jashtme me politikën e jashtme të BE-së. Dhe natyrisht Serbia nuk po e bën këtë ashtu siç duam ne”, shtoi ai.
Visoki predstavnik EU Žozep Borelj potvrdio je da su Vučić i Kurti pozvani u Brisel 27. februara. On je dodao da se Srbija ne usklađuje sa spoljnom politikom EU u dovoljnoj meri. pic.twitter.com/0Cihr1yO8k
— DW Српски/Srpski (@DW_Srpski) February 19, 2023
