Përfaqësuesi i Lartë i Bashkimit Evropian, Josep Borrell tha se sot është bërë hap i rëndësishëm simbolik për themelimin e Asociacionit.
“Palët kanë ndërmarrë një hap të rëndësishëm simbolik për themelimin e Asociacionit”, tha Borrell duke thënë se ka pritur që palët të kenë qëndrime të ndryshme sa i përket natyrës së Asociacionit të Komunave me shumicë serbe.
“Dua të përshëndes faktin që ky draft është në tryezë. Kurti i ndau me ne mendimet e tij për të mbrojtjen e të drejtave të komunitetit serb dhe siç pritej këndvështrimet e dy palëve janë shumë të largëta sa i pëkret statutit të Asociacionit. Nuk është se kam pritur dicka tjetër. Isha i bindur se palët do të kishin mendime të ndryshme për natyrën e Asociacionit. Por edhe nëse nuk pajtohen, janë pajtuar që të fillojnë negocimin për sa i përket themelimin e Asociacionit duke e pasur këtë draft të parë, si pikë fillestare për diskutim”, shtoi ai.
Po ashtu, Borrell ka thënë se mbetet i shqetësuar për numrin e vogël të pjesëmarrësve në procesin zgjedhor në katër komunat veriore.
Sipas tij, këto zgjedhje nuk ofrojnë zgjidhje afatgjate dhe mund të sjellin tensione të reja nëse palët nuk e zgjidhin këtë çështje, njofton teve1.info.
“Pika e fundit që është më pak pozitive, ne diskutuam për situatën në terren. Kemi shprehur shqetësimin e thellë për situatën në veri me një pjesëmarrje të vogël në procesin e votimit.Këto zgjedhje nuk ofrojnë një zgjidhje afatgjate. Kjo nuk është çka ne dëshirojmë të kemi. Unë i kam inkurajuar palët që të gjejnë një zgjidhje që serbët të kthehen në pozicionet e tyre që i kanë braktisur. Liderët nuk mundën të arrijnë një marrëveshje sonte dhe jam i shqetësuar që mund të kemi kriza të reja”, ka shtuar Borrell.
