Pas sulmit të sotëm kundër Policisë së Kosovës, Përfaqësuesi i Lartë, Josep Borrell i ka telefonuar kryeministrit Albin Kurti dhe presidentit serb, Aleksandar Vuçiq. Kështu ka njoftuar Unioni Europian përmes një komunikate për media.
Sipas tyre, Borell dënoi me shprehjet më të forta agresionin e sotëm.
Teksa shprehi ngushëllimet për familjen, kolegët e policit që humbi jetën në krye të detyrës.
“Përfaqësuesi i Lartë Borrell përsëriti thirrjen e tij për sulmuesit që të dorëzohen menjëherë dhe lirimin e pelegrinëve në Manastirin e Banjskës, që ata të largohen të sigurt. Ai bëri thirrje për rivendosjen e qetësisë dhe stabilitetit”, thuhet në komunikatë.
“EULEX-i, si reagues i dytë i sigurisë, po monitoron situatën në terren dhe është i gatshëm të mbështesë institucionet e Kosovës në ruajtjen e stabilitetit dhe sigurisë së të gjitha komuniteteve të saj, në përputhje me mandatin e tij dhe në koordinim të ngushtë me KFOR-in e NATO-s. Përfaqësuesi Special i BE-së për Kosovën në terren është në kontakt të ngushtë me autoritetet”, thuhet tutje./teve1.info./
