KB Bora nuk ka të ndalur, pasi ka shënuar edhe fitoren e tretë rresht në Superligë.
Të shtunën, në kryeqytet, Bora mposhti Sigal Prishtinën, ekip që regjistroi humbjen e tretë rresht.
Ndeshja e xhiros së 16-të, përfundoi me shifrat 71:66 në të mirë të Borës.
Ndeshja ishte e ngushtë, më dy çerekë të fituar nga Prishtina dhe dy të tjerë nga Bora.
Në fakt, Bora i fitoi dy çerekët me nga katër pikë për ta siguruar fitoren.
Me këtë fitore, Bora ngritet në pozitën e tretë me 24 pikë, një më shumë se Prishtina që ka rënë në vendin e pestë.
Shaquan Jules me 24 pikë e 8 kërcime dhe Tyler Cheese me 20 pikë, 9 kërcime e 4 asistime ishin më efikasit te Bora.
Te Prishtina, u veçua Adrio Bailey me 22 pikë e 10 kërcime.
